2008-03-17 - ийм л
Өнөөдөр миний хүндэлж хайрлаж явдаг нэг хүн надад ингэж хэлж байна. Чи хурдан эхнэр авч амьдралаа төвхнүүл гэж. Хариулт нь арай болоогүй байна аа. Арай л болоогүй байна гэж хэлсэн. Тэгээд хойноос надад эхнэртэй болсоны давуу тал, чиний амьдралд ямар их дэм болдог талаар сурталчилаад хэсэг лекц уншив. Уул нь их л зөв юм ярих... даан ч надад гоонь эрийн минь амьдрал таалагдаад байдаг. Бөөн эрх чөлөө, бөөн үйл өрнөл, бүх л юмс бөөн бөөнөөрөө. Дурлаж хайрлаж, үзэн ядаж, сайлж муулж... Хэн нэгэнд хаягдаж нөгөөхийг нь хаяж, зугаацаж цэнгэж, Хэн нэгнийг шохоорхож, өдөж, эргүүлж... хөөцөлдөж, таалагдсан нэгэнрүү нь сээтэн хаяж зарим нэгэнд нь үзэн ядуулж эсвэл хэн нэгэнд хөөгдөж туугдаж, зугтаж... хэнээс ч эмээхгүйгээр, хэнээс ч үл хамааран ууж иднэ. Ажиллахдаа хүртэл хэн нэгэнрүү яарахгүй, өдөржин шөнөжин хөдөлмөрлөж, хэн ч намайг хорихгүй, хэний ч төлөө биш, хэний ч өмнөөс үүрэг хүлээхгүй, хэн нэгний төлөө хариуцлагатай байна гэдгийн ор тас мартсан гоонь эрийн амьдралдаа би хайртай. Хаяахан нэг хүүхдээ мөрөн дээрээ суулгаад эхнэртэйгээ хөтлөлцөн алхах нөхрийг харан атаархах, ганц нэгхээн пиав уучаад эхнэртээ загнуулан суугаа нөхрийг харан өрөвдөх, эхнэрээ үргэлж хардан зовж бухимдах нөхрийг харан гайхах, жаргаана жаргаана гэж авч суучаад ууж ирж агсам согтуу тавьж байгаа нөхрүүдийг харан жигшиж, зэвүү хүрнэ... Хэзээ нэгэн цагт эхнэртэй болох нь тодорхой, хэзээ ч магадгүй юм. Энийг би таашгүй. хэхэ. Гэхдээ нэгэнт л үлдсэн амьдралынхаа турш түүнтэй цуг амьдрах л гэж байгаа бол би түүний төлөө л бүхий л амьдралаа зориулна гэж боддог юм. Магадгүй одоо л ингэж ярьж байгаа болохоос биш яг цаг дээрээ ямар байхыг нь чөтгөр байтугай бурхан ч мэдэхгүй. Гэхдээ би чадна гэж боддог, хэн нэгний төлөө хариуцлага хүлээж, хэн нэгэнд хамаарч, түүний төлөө зовж шаналж, түүний төлөө уйлж дуулж, түүний төлөө баясан цэнгэж ч чаднаа
заза юу бичих гэж байгаад юу биччихвээ...
|
сайн жаал 
