2008-02-18 - Хүн гэж пиг, үнэр гэж паах...
Шинэ долоо хоног эхэлж байгаам байндаа өглөө эртлэн босож ажилдаа нэлээд хэдэн хоног очоогүйн гээд нүүр гараа угааж, нөгөө хувцасаа өмсөж хэрэндээ цэвэрхэн царайлаад автобусны буудалд ирэв... Хэсэг хүлээлэгсэний эцэст ажил, гэрт дөхүүлж өгдөг 200 цаасны том цэнхэр ирвээ. Буудалаас нэлээд зайдуухан зогсоход. Нэг ч гэсэн хүнээс урьтаж орох санаатай түрүүлж гүйгээд хальтирч унав... Суунаглан сааралтах утаан хөшигний цаана цэнхэр тэнгэр цэлмэнэ... Хэд хэдэн нөхдүүд дээгүүр харайн гарч автобусны жижиг хаалгаар чихэлдэнэ. Би ч юунаас дутахав... Бие байвал бие байна, нас байвал нас байна гээл нөгөө хэдтэй чинь арцалдан чихэлдэвшд... Эцэст нь автобус хөдлөхөд би гадаа биш, дотор ч биш зүүгдээстэй хөдлөв... Кондуктор эгч буугаачаа, хэрэггүй ээ, дараагийн автобусанд суу... гэж байна... Үсэрдэгч юм билүү, больдогч юм билүү гэж бодлоо... Урьд бага байхад ингэж нэг бодоод морин дээрээс газар нүүрээрээ шааж унасныг бодоод урагшаа зүтгэв. Надаас урьтаж орсон нөхдүүд намайг уначихвий гэсэн байртай надаас чангаана... Нэг гар толгойноос дэмнэх гэж үсдэж, нөгөө нэг гэр татах гэж ороолтноос чангаан хоолой боож, дахиад нэг нөгөө сайхан угааж индүүдэж гарсан гадуур, дотуур цамцийг үрчийлгэн байж заамдан чангаана... Ээ бурхан минь нээх олон амьтанд тойруулаад зодуулж байгаа юм шиг сэтгэгдэл төрж... Хэрвээ 2 гар сул байсан бол хэсэг маажилцах л байсын... хаха... эцэст хоолойгоо боолгуулж, үсдүүлж, заамдуулж байж нэг юм хаалгаар орж, муу хаалгыг нь хаалгав... Хүн гэж пиг, үнэр гэж паах... 2 гар олзлогдсон цэрэг шиг дээр доошоо буулгахын ч арга алга... Нэг нөхөр хөөе зөрөөдхий, хөл дээр гишгээд байна... гаръя ааа.... гэж орилно. Муу тэхдээ тэргүй хэд хоногоос хугацаа нь дуусах гэж байгаа яажгий гутлын минь пээсэнд үсэргэх цагийг улам уртасгаж, хөл дээр хэн нэгэн гамгүй гишгэнэ. Эхний буудал.. дараагийн буудал... дахиад нэг буудал... тэгэхэд овоо ч хүн шингэрэв, тэхдээ л... Ашгүй нэг буудал ирж автобуснаас буухад сэгсгэр үстэй, үрчгэр, тоос шороотой хувцас, аймшгийн муухай царайлсан юм бууж, халаасаа шалгаж эд зүйлс, мөнгө төгрөгөө шалгав (учир нь дотор шалгах ямар ч боломж байгаагүйм).
|
